حیدرآباد (دکن فائلز) حیدرآباد سمیت ملک کے دیگر شہروں میں سونے کے قیمتوں میں گذشتہ دو ہفتوں کے دوران کمی درج کی گئیں جبکہ ماہرین کی جانب سے سونے کی قیمتوں میں مزید کمی کا امکان بھی ظاہر کیا جارہا ہے۔
حیدرآباد میں گذشتہ ایک ہفتہ کے دوران سونے کی قیمت میں زبردست کمی درج کی گئی، گذشتہ 8 دنوں میں سونے کی قیمت تقریباً چار ہزار 500 روپئے کم ہوئی ہے۔ حیدرآباد میں آج 24 قیراط سونے کی قیمت 75760 روپئے رہی۔
وہیں دہلی میں سونے کی قیمت دو ہفتوں میں پانچ ہزار روپے کم ہوئی ہے۔ اسی طرح قومی سطح پر انڈین بلین جویلرز ایسوسی ایشن (آئی بی جے اے) کی ویب سائٹ کے مطابق، یکم نومبر کو خالص 24 قراط سونے کی قیمت 81 ہزار روپے فی 10 گرام تک جا پہنچی تھی۔ تاہم، اب یہ قیمت کم ہو کر 75,260 روپے پر آ گئی ہے، جس سے دو ہفتوں میں مجموعی طور پر 6000 روپے کی کمی دیکھی گئی ہے۔
