سعودی عرب میں رمضان المبارک کا آخری عشرہ شروع ہوگیا۔ مسجد الحرام، مسجد نبویﷺ، اور تمام علاقائی مساجد میں مغرب کے بعد اعتکاف کا آغاز کیا۔ حرمین انتظامیہ نے اعتکاف کےلیے پورٹل کے ذریعے ہزاروں پرمٹ جاری کیے، معتکفین کےلیے خصوصی دروازے مقرر کردیے اور تمام سہولیات فراہم کردی گئیں۔
Surah An-Naṣr | Ayah 1 – 3 | Shaykh Ali Al Hudhayfee pic.twitter.com/rXnf9Fdldq
— 𝗛𝗮𝗿𝗮𝗺𝗮𝗶𝗻 (@HaramainInfo) March 30, 2024
آب زم زم کی فراہمی، تلاوت کےلیے قرآن کریم کے نسخے بڑی تعداد میں رکھ دیے گئے۔ آج سے لاکھوں عمرہ زائرین مسجدالحرام اور مسجدنبویﷺ میں قیام اللیل میں شریک ہوں گے۔ قیام اللیل کی نماز شب 12.30 پر شروع ہوگی۔
Surah Adh-Dhāriyāt | Ayah 56 – 58 | Shaykh Hussain Aal Sheikh pic.twitter.com/3QwFzygKvd
— 𝗛𝗮𝗿𝗮𝗺𝗮𝗶𝗻 (@HaramainInfo) March 30, 2024
ماہ صیام کے تیسرے عشرے کے شروع ہوتے ہی 20 ویں روزے کی افطاری کے بعد حرمین شریفین میں اعتکاف کرنے والے پہنچ گئے۔ حرمین انتظامیہ کی جانب سے معتکفین کے لیے تمام ترانتظامات کو دو دن قبل ہی حتمی شکل دے دی گئی تھی۔ سعودی خبررساں ایجنسی ’ایس پی اے‘ کے مطابق رمضان المبارک کے تیسرے عشرے میں اندرون مملکت سمیت مختلف ممالک سے آنے والے عمرہ زائرین حرمین میں اعتکاف کرتے ہیں۔
Surah Al-Ṣaffāt | Ayah 171 – 182 | Shaykh Hussain Aal Sheikh pic.twitter.com/q57hhL0Oq9
— 𝗛𝗮𝗿𝗮𝗺𝗮𝗶𝗻 (@HaramainInfo) March 30, 2024
حرمین انتظامیہ کی جانب سے رمضان المبارک کے پہلے عشرے کے وسط سے ہی اعتکاف کرنے والوں کے لیے رجسٹریشن کا آغاز کردیا گیا تھا۔ اعتکاف کے لیے حرمین کے پورٹل پررجسٹریشن کی سہولت فراہم کی جاتی ہے جس کے ذریعے معتکفین اپنے کوائف درج کرانے کے بعد اعتکاف کا پرمٹ حاصل کرتے ہیں۔ ادارہ امورحرمین شریفین کی جانب سے مسجد الحرام اور مسجد نبوی الشریف میں درس قرآن اورتجوید کے لیے خصوصی حلقوں کا اہتمام کیا گیا ہے جس سے اعتکاف کرنے والے بھی مستفیض ہوتے ہیں۔
