حیدرآباد (دکن فائلز) بنگلہ دیش میں رمضان المبارک میں اسکولوں میں لمبی چھٹیوں کا اعلان کیا گیا۔ میڈیا رپورٹس کے مطابق بنگلہ دیش کی عبوری حکومت نے رمضان المبارک میں اسکول بند رکھنے کا اعلان کردیا، سرکاری پرائمری اسکول پورے رمضان المبارک میں بند رہیں گے۔
محمد یونس کی سربراہی میں نگران حکومت نے ملک میں دہائیوں سے چلی آرہی کئی چھٹیوں کو ختم جبکہ کچھ چھٹیوں کے دنوں میں تبدیلی کی ہے۔ بنگلہ دیش کی وزارت پرائمری اینڈ ماس ایجوکیشن کی جانب سے ملک کے سرکاری پرائمری اسکولز کیلئے سال 2025ء میں تعطیلات کا کیلنڈرجاری کیا ہے جس میں ہفتہ واری تعطیلات کے علاوہ 76 دن کی چھٹیوں کا اعلان کیا گیا ہے۔
رپورٹ کے مطابق چھٹیوں کے جاری شیڈول کے مطابق پرائمری اسکولوں میں رمضان کی چھٹیاں 2 مارچ سے شروع ہوں گی، اس دوران رمضان، عیدالفطر، جمعۃ الوداع اور بنگلہ دیشی یوم آزادی کی چھٹیوں کو ملاکر مجموعی طور پر 28 دن اسکول بند رہیں گے، جبکہ عید کے بعد 8 اپریل سے کلاسز کا دوبارہ آغاز ہوگا۔