اترپردیش کے اٹاوا میں بھجن کا پروگرام منعقد کیا گیا جس میں مسلمانوں کے خلاف جم کر نفرت انگیز باتیں کی گئی اور ان کے خلاف ہتھیار اٹھانے کی تلقین کی گئی۔ ہندوتوا گلوکار دھرمیندر پانڈے نے ہندوؤں سے ہتھیار اٹھانے اور سیکولر ملک بھارت کو ’ہندو راشٹر‘ بنانے کےلیے تیار رہنے کی اپیل کی۔
https://twitter.com/mhassanism/status/1576906518032961537
ایک جاگرن میں جو خالص مذہبی پروگرام ہوتا ہے میں دھرمیندر بھجن گانے کے بجائے صرف اور صرف مسلمانوں کے خلاف کھل کر زہر اگلا اور ہندوؤں کو مسلمانوں کے خلاف اکسانے کی کوشش کی۔ اس پروگرام کا ویڈیو سوشل میڈیا پر وائرل ہوگیا۔
سوشل میڈیا پر اس نفرت انگیز پروگرام پر جم کر تنقید کی گئی۔ ایک صارف نے کہا کہ سیکولر ملک بھارت کو ہندو راشٹر بنانے کی بات کرنے والے دراصل، ملک کے غدار ہیں اور ایسے لوگوں کے خلاف یو اے پی اے کے تحت کاروائی کی جانی چاہئے۔ اسی طرح سے دیگر صارفین نے بھی نفرت انگیز نعروں پر کڑی تنقید کی اور حکومت سے ایسے افراد کے خلاف سخت کاروائی کا مطالبہ کیا۔
