ترکیہ کی تاریخی مسجد ”آیا صوفیا“ کی سیاحت پر آئے روسی سیاح نے صحیح بخاری کا درس سننے کے بعد مسلمان ہونے کا فیصلہ کرلیا۔
سوشل میڈیا پر وائرل ہونے والی ایک ویڈیو میں دیکھا جا سکتا ہے کہ آیا صوفیا کے امام ایک روسی سیاح کو کلمہ پڑھا رہے ہیں۔ روسی سیاح کلمہ پڑھ کر دائرہ اسلام میں داخل ہوجاتا ہے اور اس کا نام احمد دنیز رکھا گیا۔
استنبول میں تاریخی آیا صوفیا مسجد کی سیاحت کے لئے آنے والا روسی سیاح کلمہ شہادت کی ادائیگی کے بعد مسلمان ہوگیا ۔ روسی سیاح کا اسلامی نام احمد دنیز رکھا گیا ۔ انہوں نے آیا صوفیا میں صحیح بخاری کے درس کے دوران اسلام قبول کیا ۔ #islam #MuslimUmmah
🎥Sabah pic.twitter.com/VsKsmXLAmg— ترکیہ اردو (@TurkiyeUrdu_) July 10, 2023
روسی سیاح جن کا اسلامی نام احمد دنیز رکھا گیا ہے وہ سیاحت پر یہاں آئے تھے اور جس وقت تاریخی مسجد آیا صوفیا کو دیکھنے پہنچے تو وہاں صحیح بخاری کا درس جاری تھا۔ روسی سیاح بھی با ادب ہوکر بیٹھ گئے اور درس سننے لگے۔
روسی سیاح نے بخاری کا درس سنا تو اسلامی تعلیمات سے متاثر ہوکر مسلمان ہونے کا فیصلہ کرلیا۔ روسی سیاح نے اسلام قبول کرنے کی خواہش کا اظہار کیا جس پر امام مسجد نے کلمہ پڑھایا۔ روسی سیاح کے کلمہ پڑھ کر اللہ کی وحدانیت اور حضرت محمد صلی اللہ علیہ وسلم کے آخری نبی ہونے کا دل سے اقرار کیا۔ روسی سیاح کے کلمہ پڑھ کر مسلمان ہونے کی ویڈیو ترکیہ اردو نے اپنے ٹوئٹر اکاﺅنٹ پر شیئر کی۔
