حیدرآباد (دکن فائلز) عراق میں ایک شادی کی تقریب کے دوران بھیانک آگ بھڑک اٹھی جس کے نتیجے میں درجنوں افراد ہلاک اور بڑی تعداد میں دعوتی جھلس کر زخمی ہو گئے ہیں۔ میڈیا رپورٹس کے مطابق عراقی محکمہ صحت نے بتایا ہے کہ منگل اور بدھ کی درمیانی شب حمدانیہ ضلع میں پیش آنے والے آتشزدگی کے واقعہ کے نتیجے میں ایک سو سے زائد افراد ہلاک ہوگئے جبکہ مزید ہلاکتوں کا خدشہ ظاہر کیا جارہا ہے۔
مقتل وإصابة العشرات بحريق في قاعة للأعراس بمحافظة نينوى بـ #العراق والصحة العراقية ترسل تعزيزات من بغداد والمحافظات الأخرى لإغاثة المصابين بالحريق#العربية pic.twitter.com/r09TWVfAZ6
— العربية (@AlArabiya) September 26, 2023
ایک اور اطلاع میں بتایا گیا کہ آتشزدگی کے واقعہ میں متاثرین اور زخمیوں کی تعداد 450 سے زیادہ ہے۔ آگ شادی کی تقریب کے دوران لگی۔ آگ نے موصل کے مشرق میں ضلع الحمدانیہ میں واقع شادی خانہ کو اپنی لپیٹ میں لے لیا اور آگ پر قابو پانے کے لیے فائر بریگیڈ کی ٹیمیں واقعہ پر پہنچ گئیں اور مشقت کے بعد آگ پر قابو پالیا گیا تاہم اس واقعہ میں سو سے زائد ہلاکتیں ہوئی۔ اس خوفناک آتشزدگی کے واقعہ میں دلہا اور دلہن بھی ہلاک ہوگئے۔