حیدرآباد (دکن فائلز) تلنگانہ حکومت نے زیرالتوا ٹریفک چالان پر بھاری رعایت کا اعلان کیا تاکہ غریب عوام کو اس کا فائدہ ہوسکے لیکن بعض دھوکہ باز ایسے موقع کا فائدہ اٹھاتے ہوئے غریب عوام کو لوٹنے کی کوشش کررہے ہیں۔ تفصیلات کے مطابق کچھ دھوکہ بازوں نے ٹریفک پولیس چالان کی جعلی ویب سائٹ تیار کی ہے تاکہ عوام کو دھوکہ دیکر پیسے بٹورے جائیں۔
پولیس نے ایسے ہی ایک پورٹل کا پتہ چلایا ہے (http://echallanstspolice.in/)۔ سائبر کرائم پولیس نے عوام کو اس طرح کی دھوکہ باز ویب سائٹس سے محتاط رہنے کا مشورہ دیا ہے۔
#Rachakonda cyber crimes
📷Be alert! Beware of fake E-Challan scam !#Report Cyber crime complaints at #Dial 1930 #cybercrime at https://t.co/DI79AlnYZd @rachakondacop
Our Official Pages links :
Face book : https://t.co/5Do6Z8ttBR.
You tube : https://t.co/1JWWaHr7gu pic.twitter.com/ROqKcnxpAd— Cyber Crime Rachakonda (@CyberCrimeRck) December 30, 2023
حکام کے مطابق چالان ویب سائٹ کچھ تکنیکی وجوہات کی بنا پر بعض اوقات کام نہیں کررہی ہے اور پورٹل پر زیر التواء چالان ظاہر نہیں ہو رہے ہیں۔ ایسے میں لوگوں کو پریشان ہونے کی ضرورت نہیں ہے۔ ٹریفک پولیس حکام کا کہنا ہے کہ اب قریبی ٹریفک پولیس اسٹیشنوں میں چالان ادا کرسکتے ہیں۔
ٹریفک پولیس نے عوام کو جعلی ویب سائٹس سے ہوشیار رہنے اور ذاتی تفصیلات شیئر نہ کرنے کا مشورہ دیا۔
