(ایجنسیز) ہندوستان کے سابق کرکٹر عرفان پٹھان نے شادی کی آٹھویں سال گرہ پر پہلی بار اپنی اہلیہ صفا بیگ کی نقاب کے بغیر تصویر پوسٹ کردی جب کہ اس سے قبل ہمیشہ ان کی تصاویر نقاب کے ساتھ ہوا کرتی تھیں۔ عرفان پٹھان نے سوشل میڈیا پر شادی کی آٹھویں سال گرہ پر اپنی اہلیہ کی تعریفوں کے پُل باندھ دیئے۔ انھوں نے لکھا کہ زندگی کے ان 8 خوشگوار برسوں کی مبارک باد۔
عرفان پٹھان نے مزید لکھا کہ ایک ایسی شخصیت جسے لامحدود کردار بہ احسن ادا کرنا آتے ہیں۔ وہ حوصلہ بڑھانے والی، موڈ بوسٹر، ہنسی دینے والی کامیڈین، پریشانی دور کرنے والی میری ہم سفر اور دوست اور میرے بچوں کی ماں ہیں۔ اس موقع پر عرفان پٹھان اہلیہ کے ساتھ اپنی تصویر بھی شیئر کی۔
Infinite roles mastered by one soul – mood booster, comedian, troublemaker, and the constant companion, friend, and mother of my children. In this beautiful journey, I cherish you as my wife. Happy 8th my love ❤️ pic.twitter.com/qAUW8ndFAJ
— Irfan Pathan (@IrfanPathan) February 3, 2024
یہ جوڑی پہلے بھی اپنی تصاویر سوشل میڈیا پر شیئر کرتی رہی ہے لیکن ان میں صفا بیگ ہمیشہ نقاب میں ہوا کرتی تھیں اور کسی نے شادی کے بعد سے ان کا چہرہ نہیں دیکھا تھا جس پر عرفان پٹھان کو تنقید کا نشانہ بھی بنایا جاتا تھا۔ تاہم آج شادی کی آٹھویں سال گرہ پر پہلی بار اس جوڑی کی ایسی تصویر سامنے آئی ہے جس میں صفا بیگ نے اپنا چہرہ نقاب سے ڈھکا ہوا نہیں ہے۔