حیدرآباد (دکن فائلز) کانگریس کے سینئر لیڈر محمد اظہر الدین نے پیر 10 نومبر کو تلنگانہ کے وزیر برائے اقلیتی بہبود اور پبلک انٹرپرائزز کا چارج سنبھال لیا۔
ہندوستانی کرکٹ کے سابق کپتان نے تلنگانہ سکریٹریٹ میں آج اپنے چیمبر میں عہدہ کا جائزہ حاصل کرلیا۔ اس موقع پر تلنگانہ کے وزیر ٹرانسپورٹ پونم پربھکر اور دیگر کانگریس قائدین موجود تھے۔
اظہر الدین نے 31 اکتوبر کو حیدرآباد کے راج بھون میں وزیر کے طور پر حلف لیا۔ سابق کانگریس ایم پی کو گورنر کے کوٹہ کے تحت ممبر قانون ساز کونسل (ایم ایل سی) کے طور پر نامزد کیا گیا ہے، جس سے ریاستی کابینہ میں ان کی شمولیت کی راہ ہموار ہوئی ہے۔
اظہر الدین تلنگانہ کابینہ میں واحد مسلم وزیر ہیں۔
