گجرات حکام نے عظیم الشان مدرسہ جامعہ عربیہ اسلامیہ دارالعلوم کے ہاسٹل کی بلڈنگ کو منہدم کردیا (ویڈیو دیکھیں)

حیدرآباد (دکن فائلز) گجرات کے بھاؤنگر میں واقع عظیم الشان مدرسہ جامعہ عربیہ اسلامیہ دارالعلوم کے ہاسٹل کی عمارت کو قواعد کی خلاف ورزی کا الزام عائد کرتے ہوئے منہدم کردیا گیا۔ میونسپل حکام نے اتوار کی علی الصبح مدرسہ کے ہاسٹل بلاک کو منہدم کر دیا۔

حکام کے مطابق یہ عمارت مبینہ طور پر بھاو نگر ضلع کے اکواڈا علاقے میں ایک سڑک پر رکاوٹ کا باعث بن رہی تھی۔ یہ کارروائی اعلیٰ حکام اور ضلعی پولیس اہلکاروں کی موجودگی میں کی گئی۔ انہدامی کاروائی کے دوران سینئر افسران سمیت درجنوں پولیس اہلکاروں کو تعینات کیا گی ا تھا۔

ویڈیو دیکھنے کےلئے لنک پر کلک کریں:
https://x.com/i/status/1992482045277426051

بھاونگر میونسپل کارپوریشن کے حکام نے بتایا کہ تمام قانونی طریقہ کار پر عمل کرتے ہوئے کاروائی کی گئی۔ انہوں نے افواہوں پر توجہ نہ دینے کی اپیل کرتے ہوئے کہا کہ صرف مدرسہ کے ہاسٹل کی عمارت کو منہدم کیا گیا۔

ویڈیو دیکھنے کےلئے لنک پر کلک کریں:

اپنا تبصرہ بھیجیں