حیدرآباد (دکن فائلز) ہندوستانی معیشت کے لیے تشویشناک پیشرفت میں بھارتی روپیہ امریکی ڈالر کے مقابلہ میں پہلی بار 96 کی سطح سے نیچے گر گیا ہے۔ ماہرین کے مطابق عالمی اقتصادی دباؤ، خام تیل کی قیمتوں میں اضافہ اور غیر ملکی سرمایہ کے اخراج نے روپے کو کمزور کیا ہے۔
کرنسی مارکیٹ میں گراوٹ کے بعد درآمدی اشیا مہنگی ہونے کا خدشہ بڑھ گیا ہے، جس سے عام صارفین پر اضافی بوجھ پڑ سکتا ہے۔ معاشی ماہرین کا کہنا ہے کہ اگر یہی صورتحال برقرار رہی تو پیٹرول، ڈیزل اور دیگر ضروری اشیا کی قیمتوں میں مزید اضافہ ممکن ہے۔
بینکنگ اور مالیاتی شعبہ سے وابستہ ماہرین نے کہا کہ عالمی سطح پر امریکی ڈالر کی مضبوطی بھی روپے کی کمزوری کی ایک بڑی وجہ ہے۔ ادھر اپوزیشن جماعتوں نے حکومت کی اقتصادی پالیسیوں کو تنقید کا نشانہ بناتے ہوئے کہا کہ روپے کی تاریخی گراوٹ ملک کی معاشی صورتحال کی عکاسی کرتی ہے۔
حکومتی ذرائع کا کہنا ہے کہ صورتحال پر مسلسل نظر رکھی جا رہی ہے اور معیشت کو مستحکم رکھنے کے لیے ضروری اقدامات کیے جائیں گے۔
