بالی وڈ اداکارہ پرینیتی چوپڑا اور عام آدمی پارٹی کے رکن پارلیمنٹ راگھو چڈھا نے منگنی کرلی۔ میڈیا رپورٹس کے مطابق پرینیتی چوپڑا اور راگھو چڈھا کی منگنی دہلی کے کپورتھلہ ہاؤس میں ہوئی۔
منگنی کی تقریب میں پریانکا چوپڑا، قریبی دوستوں اور خاندان کے چند لوگوں نے شرکت کی جبکہ اس کے علاوہ دہلی کے وزیر اعلیٰ و عام آدمی پارٹی کے سربراہ اروند کیجریوال بھی اہلیہ کے ہمراہ منگی میں شریک ہوئے۔
پنجاب کے وزیراعلیٰ سمیت کئی سیاستدان اور بالی وڈ شخصیات بھی منگنی کی تقریب میں موجود تھیں۔ دونوں کی تصاویر بھی سامنے آئی ہیں اور سوشل میڈیا پر وائرل ہو رہی ہیں۔
