خادم الحرمین الشریفین نے90 ممالک کے 1300 افراد کو حج کروانے کا فرمان جاری کردیا

خادم الحرمین الشریفین شاہ سلمان بن عبدالعزیز نے 90 ممالک کے تیرہ سو افراد کو شاہی مہمان کے طور پر حج بیت اللہ کروانے کا فرمان جاری کردیا۔
شاہی فرمان کے مہمانوں کو ضیوف الرحمٰن پروگرام کے تحت سعودی عرب مدعو کیا جائےگا, خادم حرمین شریفین کی میزبانی میں حج پروگرام ہر سال جاری کیا جاتا ہے جس میں دنیا بھر سے متعدد افراد شاہی مہمان کے طور پر حج ادا کرتے ہیں۔
ضیوف خادم الحرمین الشریفین پروگرام کے نگران اعلی وزیر اسلامی امور شیخ ڈاکٹر عبداللطیف بن عبدالعزیز آل الشیخ نے شاہی مہمان کے طور پر حج کرانے کے احکامات پر شاہ سلمان بن عبدالعزیز کا خصوصی شکریہ ادا کیا ہے۔