بہار کے گوپال گنج میں آج محرم کی نویں تاریخ کو نکالے جانے والے جلوس کے دوران خوفناک حادثہ پیش آیا۔ جلوس میں شامل تعزیہ کے ہائی ٹینشن تار کی زد میں آنے سے جلوس میں شامل 11 افراد جھلس گئے۔ زخمی افراد کمیں 4 کی حالت تشویشناک بتائی گئی۔
حادثہ کے فوری بعد تمام زخمیوں کو قریبی ہسپتال منتقل کیا گیا جہاں ان کا علاج کیا جارہا ہے۔ حادثہ کے بعد تقریباً 10 نوجوان بیہوش ہوکر زمین پر گرپڑے۔واقعہ کے بعد افراتفری پھیل گئی۔
ضلع مجسٹریٹ نے اس واقعہ پر افسوس کا اظہار کیا۔ انہوں نے کہا کہ زخمیوں کی حالت اب بہتر ہے۔ سبھی زخمی خطرے سے باہر ہیں۔ ڈاکٹروں کو بہتر علاج کی ہدایت دے دی گئی ہے۔
