پاکستان کے باجوڑ میں جمیعت علمائے اسلام (ف) کے ورکرز کنونشن میں دھماکے کے نتیجے میں 40 افراد ہلاک ہوگئے۔ دھماکہ باجوڑ کے ہیڈ کوارٹر خار میں ہوا۔ پولیس کے مطابق دھماکے میں کئی افراد زخمی بھی ہوئے ہیں۔
پولیس کا مزید کہنا ہے کہ جاں بحق افراد میں جے یو آئی تحصیل خار کے امیر مولانا ضیاء اللہ جان بھی شامل ہیں۔ دھماکے میں 50 سے زائد افراد زخمی ہوئے ہیں، زخمیوں کو تیمرگرہ اور پشاور بھی منتقل کیا جا رہا ہے۔
دھماکے کے بعد پولیس اور قانون نافذ کرنے والے اداروں نے علاقے کو گھیرے میں لے لیا ہے۔