گروگرام میں شدت پسندوں کے ہاتھوں جاں بحق مسجد کے امام حافظ سعد کی آج ان کے آبائی گاؤں میں ادا کی گئی اور نم آنکھوں کے ساتھ سپرد خاک کیا گیا۔
اطلاعات کے مطابق بہار سے تعلق رکھنے والے شہید حافظ سعد کی آج بہار میں سیتامڑھی ضلع کے منیاڈیہ گاؤں میں بعد نماز ظہر نماز جنازہ ادا کی گئی، نماز جنازہ میں ہزاروں افراد شریک ہوئے۔ حافظ سعد کی آبائی گاؤں میں ہی تدفین عمل میں آئی۔
پٹنہ و دیگر مقامات سے بڑی تعداد میں علمائے کرام نماز جنازہ و تدفین میں شریک ہوئے اور شہید کے خاندان کو پرسہ دیا۔
شبلی القاسمی کی قیادت میں امارت شرعیہ کے ایک وفد نے بھی اہل خانہ سے تعزیت کی اور نماز جنازہ میں شریک ہوا۔ وفد میں مفتی ثنا اللہ قاسمی صاحب بھی موجود تھے۔ انہوں نے بہار حکومت سے مناسب معاوصہ کا بھی مطالبہ کیا۔
