حیدرآباد (دکن فائلز) تلنگانہ کے سکریٹریٹ سے متصل عظیم الشان مسجد معتمدی و مسجد ہاشمی کا آج بڑے پیمانہ پر افتتاحی تقریب منعقد کی گئی۔ گورنر ڈاکٹر تمیلی سائی سوندرا راجن کے ہاتھوں مسجد کا افتتاح انجام دیا گیا جبکہ وزیراعلیٰ کے چندر شیکھر راؤ ان کے ہمراہ موجود تھے۔
اس موقع پر رکن پارلیمان بیرسٹر اسدالدین اویسی، وزیر داخلہ محمد محمود علی، رکن اسمبلی اکبر الدین اویسی، چیف سکریٹری شانتی کماری، وقف بورڈ چیئرمین مسیح اللہ خان کے علاوہ عوامی نمائندوں، اعلیٰ عہدیداروں، علما اور معززین کی بڑی تعداد موجود تھیں۔
واضح رہے کہ قبل ازیں گورنر تمیلی سائی سوندرا راجن مندر اور چرچ کا بھی افتتاح انجام دیا۔ دلچسپ بات یہ رہی کہ گورنر اور کے سی آر ایک ہی گاڑی میں سکریٹریٹ پہنچے۔ تمیلی سائی آگے کی سیٹ پر تھیں جبکہ کے سی آر گاڑی کی پچھلی سیٹ پر بیٹھے تھے۔ گورنر نے مسجد، مندر اور چرچ کے افتتاح کے بعد سیکرٹریٹ کا بھی دورہ کیا۔ واضح رہے کہ یہ ان کا سکریٹریٹ کا پہلا دورہ ہے۔
