حیدرآباد (دکن فائلز) ہندوستانی سنیما میں اداکارہ وحیدہ رحمان کی بے مثال خدمات کا اعتراف کرتے ہوئے وزیر اطلاعات و نشریات انوراگ ٹھاکر نے انہیں دادا صاحب پھالکے ایوارڈ دینے کا اعلان کیا۔ وحیدہ رحمان کو دادا صاحب پھالکے لائف ٹائم اچیومنٹ ایوارڈ سے نوازا جائے گا۔
وحیدہ رحمان نے گائیڈ، پیاسا، صاحب بیوبی اور غلام، دہلی 6، کاغذ کے پھول کے علاوہ دیگر متعدد کامیاب فلموں میں اپنا یادگار کردار ادا کیا۔ وحیدہ رحمان کا فلمی کیریئر تقریباً سات دہائیوں پر محیط ہے۔ انہیں ہندوستانی فلمی دنیا میں کافی اہمیت حاصل ہے۔
I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
Waheeda ji has been critically acclaimed for her…
— Anurag Thakur (मोदी का परिवार) (@ianuragthakur) September 26, 2023
انوراگ ٹھاکر نے اس سلسلہ میں ایک ٹوئٹ کرکے تجربہ کار اداکارہ کی کامیابیوں پر روشنی ڈالی۔ انہوں نے ٹوئٹ کیا کہ میں یہ اعلان کرتے ہوئے بے حد خوشی اور اعزاز محسوس کر رہا ہوں کہ وحیدہ رحمٰن جی کو ہندوستانی سنیما میں ان کی شاندار خدمات کے لیے اس سال باوقار دادا صاحب پھالکے لائف ٹائم اچیومنٹ ایوارڈ سے نوازا جارہا ہے۔ انہوں نے مزید لکھا “پدم شری اور پدم بھوشن ایوارڈز حاصل کرنے والی، وحیدہ جی نے ایک ہندوستانی خاتون کی لگن، طاقت اور عزم کی مثال قائم کی ہے جو اپنی محنت سے پیشہ ورانہ سطح پر بھی بلندیوں تک پہنچ سکتی ہے۔ ایک ایسے وقت میں جب پارلیمنٹ کے ذریعہ تاریخی ناری شکتی وندن ایکٹ پاس کیا گیا ہے، انہیں اس لائف ٹائم اچیومنٹ ایوارڈ سے نوازا جانا ہندوستانی سنیما کی سرکردہ خواتین میں سے ایک کے لئے حقیقی اعزاز ہے اور جنہوں نے فلموں کے بعد اپنی زندگی فلاح و بہبود کے لئے وقف کردی اور معاشرے کی فلاح و بہبود کے لیے کام کیا۔ میں انہیں مبارکباد پیش کرتا ہوں”۔
