امریکی صدر جو بائیڈن نے ایک بیان میں کہا ہے کہ غزہ اسرائیل جنگ میں کم از کم 11 امریکی شہری ہلاک ہوئے ہیں اور متعدد کو فلسطینی گروپ کے ہاتھوں یرغمال بنائے جانے کا امکان ہے۔ اس حوالے سے وائٹ ہاؤس کے ترجمان جان کربی لائیو ٹی وی پر بات کر رہے تھے، اور اسرائیل غزہ جنگ کے بارے میں بات کرتے ہوئے رو پڑے۔
جان کربی نے سی این این پر براہ راست نشریات کے دوران حماس حملے پر گفتگو کرتے ہوئے اپنے آنسو روکنے کی کوشش کرتے ہوئے کہا کہ ’ان تصاویر کو دیکھنا مشکل ہے۔ وہ انسان ہیں، خاندان کے افراد ہیں، دوست ہیں، وہ پیارے ہیں۔‘
“These are human beings.” White House spokesperson John Kirby breaks down on live TV while discussing the depravity of Hamas attacks. (Video: CNN) pic.twitter.com/aMfVDSEDIi
— Mike Sington (@MikeSington) October 10, 2023
سوشل میڈیا صارفین نے جان کربی کے آنسوؤں کو ’اداکاری‘ قرار دیا ہے۔ ایک صارف نے لکھا، ’بدقسمتی سے، چونکہ کربی نے ہر پریس بریفنگ اور ٹی وی پر انٹرویو کے دوران جھوٹ بولا ہے، اس لیے میرے لیے یہ یقین کرنا مشکل ہے کہ وہ واقعتاً اس حوالے سے کچھ محسوس کر رہے ہیں، یا صرف اداکاری کر رہے ہیں۔‘
ایک اور صارف نے لکھا، ’کربی ایک بڑبولی شرمندگی ہیں، جب وہ اس نوکری کو چھوڑ دیں گے تو ایک بہترین استعمال شدہ کاروں کے سیلز مین بن سکتے ہیں‘۔ ایک صارف نے ان کے رونے کو ’مگرمچھ کے آنسو‘ قرار دیا۔
خیال رہے کہ امریکی صدر جو بائیڈن نے کہا ہے کہ واشنگٹن نے اسرائیل کی حمایت میں ایک طیارہ بردار بحری جہاز بھیجا ہے اور اپنے کلیدی اتحادی کے ساتھ یرغمالیوں کی بازیابی کی کوششوں پر کام کر رہا ہے۔
