برطانیہ میں 7 ہزار نمازیوں کی گنجائش رکھنے والی مسجد کو بم کی اطلاع ملنے پر خالی کروالیا گیا۔ میڈیا رپورٹس کے مطابق برطانیہ میں یورپ کی سب سے بڑی مساجد میں سے ایک کو پولیس نے بم کی اطلاع پر خالی کروایا اور ڈسپوزل اسکواڈ نے مسجد کی تلاشی لی۔
قبل ازیں ایسٹ لندن مسجد کو دھمکی آمیز ای میل موصول ہوا تھا۔ یہ مسجد ٹاور ہیملٹس میں واقع ہے جو کہ یورپ کی بڑی مساجد میں سے ایک ہے جبکہ مسجد میں 7 ہزار نمازیوں کی گنجائش موجود ہے۔ رپورٹ میں کہا گیا ہے دھمکی آمیز ای میل نامعلوم شخص کی جانب سے کی گئی جس میں کہا گیاکہ مسجد میں بم موجود ہے جسے عین نماز کے دوران اڑا دیا جائے گا۔
پولیس کا کہنا ہے کہ مسجد کو موصول ہونے والی دھمکی آمیز ای میل کی تحقیقات جاری ہیں۔ پولیس نے فوری ایکشن لیتے ہوئے مسجد کو خالی کروالیا۔
