(ایجنسیز) غزہ پر اسرائیل کی وحشیانہ بمباری میں شہید ہونے والے ایک بچے کے دل شکستہ باپ کی ویڈیو وائرل ہو رہی ہے جس میں وہ کفن میں لپٹے مرحوم بیٹے کو آخری سفر پر روانہ کرنے سے قبل اسے ’بسکٹ‘ دے رہے ہیں۔ مشرقی وسطیٰ پر نظر رکھنے والی ویب سائٹ مڈل ایسٹ آئی کی جانب سے جاری ویڈیو میں دیکھا جاسکتا ہے کہ باپ اپنے مرحوم بیٹے کے ہاتھ میں بسکٹ دیتے ہوئے زاروقطار رو رہے ہیں۔
A Palestinian father in Gaza went to go buy his son biscuits, only to return to find his son and wife both killed by an Israeli air strike.
The father places the biscuits he bought in his son’s hand and tells him to “take these biscuits with you to heaven” pic.twitter.com/6K3wJMUFQA
— Middle East Eye (@MiddleEastEye) December 28, 2023
والد فلسطینی زبان میں اپنے بیٹے کو پکارتے ہوئے کہتے ہیں کہ ’میرے پیارے بیٹے! یہ میں تمہارے لیے لایا تھا، یہ اپنے ساتھ جنت میں لے جانا۔‘ باپ روتے ہوئے اپنے بیٹے کے ہاتھ اور بسکٹ کو کفن کے نیچے رکھنے کی کوشش کرتے ہوئے کہتے ہیں کہ ’میں اسے یہاں رکھ لیتا ہوں، اسے اپنے پاس رکھو۔‘
ایک باپ کی مرحوم بیٹے کے ساتھ گفتگو کرنے کی دردناک ویڈیو سوشل میڈیا پر وائرل ہورہی ہے، حالیہ اسرائیلی بمباری میں انہوں نے اپنی اہلیہ اور بیٹے کو کھو دیا تھا۔ غزہ میں 7 اکتوبر سے اب تک اسرائیلی حملوں میں تقریباً 22 ہزار فلسطینی شہید ہوچکے ہیں۔