(ایجنسیز) غزہ میں اسرائیل کی وحشیانہ بمباری جاری ہے جس میں اب تک 22 ہزار فلسطینی شہید اور 60 ہزار زخمی ہوچکے ہیں۔ شہدا اور زخمیوں میں 70 فیصد خواتین اور بچے ہیں۔ حماس کے حملوں میں بھی 170 سے زائد اسرائیلی فوجی ہلاک اور متعدد زخمی ہوگئے ہیں۔
اسرائیلی فوجیوں سے جنگ میں حماس کے جنگجو روز بروز بہادری و شجاعت کی لازوال داستانیں رقم کر رہے ہیں۔ ایک فلسطینی نوجوان کی دوران سجدہ شہادت کی ویڈیو سوشل میڈیا پر وائرل ہوگئی۔ اسرائیلی میڈیا کی جانب سے نوجوان کو ڈرون سے نشانہ بنانے کی ویڈیو جاری کی گئی۔ اس نوجوان کی شناخت تيسير ابو طعيمة کے نام سے ہوئی۔
ویڈیو میں دیکھا جاسکتا ہے کہ اسرائیلی فوجیوں کو نشانہ بنانے کے بعد نوجوان اسلحہ اٹھائے غزہ کی گلیوں میں دوڑ رہا ہے اور اسرائیلی ڈرون اس کا پیچھا کر رہا ہے۔ اچانک ایک شعلہ سے لپکتا ہے اور ڈرون سے نوجوان پر میزائل فائر ہوتا ہے جو اس کی کمر پر لگتا ہے جس سے نوجوان کی قمیض لہولہان ہوجاتی ہے۔ تیسیر شدید زخمی ہونے کے باوجود لڑکھڑاتے ہوئے دوبارہ پناہ گاہ کیطرف دوڑنے کی کوشش کرتا ہے لیکن اس سے چلا نہیں جاتا اور وہ زخموں سے چور ایک تباہ شدہ گھر کی دروازے پر پر بیٹھ جاتے ہیں۔
فاز ان شاءالله
فاز ان شاءاللهقمت ب اضافة آيات عظيمه تلامس هذا المشهد العظيم وكأني لأول استمع لها.
اللهم تقبل عبدك #تيسير_ابوطعيمه في اعلى مراتب الشهداء.#تيسير_أبو_طعيمة pic.twitter.com/nz3xxUahkT
— جزائري في المهجر🇩🇿🇹🇷🇸🇦 (@gazaere9) December 30, 2023
پھر تیسیر شہادت کی انگلی بلند کرکے اللہ اکبر کا نعرہ بلند کرتے ہیں اور اللہ کے حضور سجدے میں چلے جاتے ہیں، اسی حالت میں وہ شہید ہوجاتے ہیں۔ شہید نوجوان خان یونس علاقے میں حماس کے کتائب القسام کا کمانڈر تھا۔ اس کی تلاوت اور نشید پڑھتے ہوئے کئی ویڈیوز بھی سوشل میڈیا پر سامنے آئی ہیں۔
