میامی انٹرنیشنل ایئرپورٹ (ایم آئی اے) سے اڑان بھرنے والے طیارہ میں آگ بھڑک اٹھی، جہاز آگ لگنے کے بعد بھی پرواز کرتا دیکھا گیا جس کی ویڈیو وائرل ہوگئی۔
Atlas Air 747-8F to San Juan safely returns to Miami following an engine issue on departure. The aircraft landed 14 minutes after declaring the emergency.
📹 ChuckCallesto pic.twitter.com/xTSaixWPzq
— Breaking Aviation News & Videos (@aviationbrk) January 19, 2024
سوشل میڈیا پلیٹ فارمز پر ویڈیوز میں دیکھا گیا کہ پرواز کے دوران طیارے کے بائیں بازو سے آگ کے شعلے نکل رہے ہیں۔ کارگو طیارہ اٹلس ایئر بوئنگ 747 کو انجن میں خرابی کے باعث ہنگامی لینڈنگ کرنی پڑی، طیارے میں عملے کے پانچ ارکان سوار تھے۔
ہوائی اڈے نے خبر رساں ادارے روئٹرز کو بتایا کہ طیارہ میں کسی کے زخمی ہونے کی اطلاع نہیں ہے۔ ایئر فریٹ کمپنی کا کہنا تھا کہ عملے نے تمام معیاری طریقہ کار پر عمل کیا اور بحفاظت ایم آئی اے واپس آ گئے۔
