حیدرآباد (دکن فائلز) بنگلور کے رامیشورم کیفے دھماکے کا مشتبہ ملزم سی سی ٹی وی میں قید ہوگیا تاہم سیکوریٹی ایجنسیاں اب اس کی شناخت کرکے فوری اسے گرفتار کرنے کےلئے کوشاں ہیں۔ یکم مارچ کی دوپہر بنگلور کے مشہور کیفے میں ہوئے دھماکہ میں عملہ اور گاہکوں سمیت 10 افراد زخمی ہوگئے تھے۔ اس دھماکہ میں کوئی جانی نقصان کی کوئی اطلاع نہیں ہے۔
VIDEO | Bengaluru cafe blast suspect caught on CCTV.
At least 10 people were injured in a low intensity bomb blast at the popular Rameshwaram Cafe in Bengaluru's Whitefield locality on Friday. Police suspect that an improvised explosive device (IED) fitted with a timer inside a… pic.twitter.com/EWGzLAmy1M
— Press Trust of India (@PTI_News) March 2, 2024
دھماکے کے بعد واقعہ کی سی سی ٹی وی فوٹیج وائرل ہوگئی جس میں ایک مشتبہ شخص کو بیگ کے ساتھ دیکھا جاسکتا ہے جس میں ممکنہ طور پر بم تھا۔ سرکاری ذرائع کے مطابق مشتبہ شخص کی نقل و حرکت کی تصاویر بنگلور کے بروک فیلڈ میں واقع رامیشورم کیفے اور آس پاس کے سی سی ٹی وی کیمروں سے حاصل کی گئی ہے۔
ابتدائی تحقیقات میں پتہ چلا ہے کہ مشتبہ شخص اپنی شناخت چھپانے کی ہر ممکن کوشش کررہا ہے، اس نے چہرہ پر ماسک اور گلاس لگایا ہوا ہے اور سر پر ٹوپی پہنی ہوئی ہے تاکہ اس کی شناخت نہ کی جاسکے۔
ایک اور اطلاع کے مطابق مشتبہ شخص کو حراست میں لے کر اس سے پوچھ گچھ کی جارہی ہے تاہم اس سلسلہ میں ابھی سرکاری طور پر کوئی باضابطہ اعلان نہیں کیا گیا۔
پولیس کے افسر نے ملزم کی فوری گرفتاری کا یقین ظاہر کیا۔ اس سلسلہ میں غیر قانونی سرگرمیاں (روک تھام) ایکٹ اور دھماکہ خیز مواد ایکٹ کے تحت مقدمہ درج کرلیا گیا اور تحقیقات زور و شور سے جاری ہیں۔
بنگلورو پولیس کے مطابق دھماکہ ایک دیسی ساختہ دھماکہ خیز ڈیوائس (آئی ای ڈی) کی وجہ سے ہونے کا امکان ہے، جبکہ ایک گاہک نے اپنا بیگ جان بوجھ کر رامیشورم کیفے میں چھوڑ کر چلا گیا۔ ہوسکتا ہے کہ بیگ میں ٹائم نصب کیا گیا تھا۔