حیدرآباد (دکن فائلز) روسی صدر ولادیمیر پوتین نے 13 سال بعد روس کی نیم خودمختار مسلم اکثریتی آبادی والی ریاست چیچنیا کے دارالحکومت گروزنی کا دورہ کیا جبکہ ان کا چیچنیا کے سربراہ رمضان قادریوف نے استقبال کیا۔ رمضان قادریوف کو پیوٹن کا قریبی دوست سمجھا جاتا ہے۔
میڈیا رپورٹس کے مطابق پوتین نے گروزنی میں حال ہی میں تعمیر ہونے والی بڑی جامع مسجد عیسیٰ علیہ السلام کا بھی دورہ کیا، اس موقع پر رمضان قادریوف اور مفتی اعظم چیچنیا بھی ان کے ہمراہ تھے۔
مسجد کے دورے کے دوران پوتین کو قرآن پاک کا نادر نسخہ تحفے میں دیا گیا، اس موقع پر مفتی اعظم نے انہیں سورۃ انفال کی آیت پڑھ کر سنائی اور روسی زبان میں ترجمہ بھی سنایا۔ پوتین نے قرآن کریم کے نسخے کو اٹھایا چوما اور پھر سینہ سے لگا لیا۔ اس واقعہ کی ویڈیو اور تصاویر سوشل میڈیا پر وائرل ہوگئی۔ لوگ اسے خوب پسند کررہے ہیں۔
