حیدرآباد (دکن فائلز) جنم بھومی ایکسپریس ٹرین میں سوار ہونے کے دوران ایک مسافر شدید زخمی ہو گیا اور پلیٹ فارم و ٹرین کے بیچ میں پھنس گیا۔ آندھراپردیش کے انکاپلی ریلوے اسٹیشن پر پیش آئے حادثہ کے بعد افراتفری پھیل گئی۔ لوگوں نے فوری طور پر حکام کو اس کی اطلاع دی۔
حادثے کی اطلاع ملتے ہی ریلوے حکام نے فوری طور پر ٹرین اور پلیٹ فارم کے درمیان پھنسے شخص کی جان بچانے کےلئے تیزی سے اقدامات کئے۔ بڑی مشکل کے بعد پلیٹ فارم کے ایک حصے کو توڑ کر زخمی شخص کو نکالا گیا۔ حادثہ میں شدید زخمی شخص کو فوری طور پر این ٹی آر ہسپتال منتقل کیا گیا۔ زخمی شخص کی شناخت پیلا راج بابو کے طور پر ہوئی ہے۔ راجبابو کا تعلق انکاپلی ضلع، رویکماتم منڈل کے تھوٹاکورا پالم سے ہے اور وہ پیشے سے ڈرائیور ہے۔
