حیدرآباد (دکن فائلز) حیدرآباد کے جوبلی ہلز میں واقع ایک مشہور ہوٹل میں دھماکہ ہوا۔ تفصیلات کے مطابق روڈ نمبر 1 پر واقع تلنگانہ اسپائس کچن ریستوراں میں اتوار 10 نومبر کی صبح ایک دھماکہ ہوا۔
دھماکہ انتہائی شدید تھا جس کی آواز قریبی علاقہ تک سنائی دی۔ دھماکہ کے بعد افراتفری پھیل گئی اور علاقہ میں خوف کا ماحول دیکھا گیا۔ ایک اطلاع کے مطابق دھماکہ کی وجہ سے ایک نوجوان لڑکی زخمی ہوئی ہے۔
ویڈیو دیکھنے کےلئے لنک پر کلک کریں:
https://x.com/i/status/1855480289293939164
دھماکے کی اطلاع ملتے ہی پولیس نے جائے وقوعہ پر پہنچ کر امدادی کارروائیاں شروع کر دیں۔ پولیس کے اعلیٰ عہدیدار بھی موقع پر پہنچ گئے۔
تلنگانہ اسپائس کچن ہوٹل میں آج صبح ایک زبردست دھماکہ ہوا۔ ذرائع کے مطابق ہوٹل کا ریفریجریٹر کمپریسر زوردار دھماکہ کے ساتھ پھٹ پڑا جس کے نتیجے میں ہوٹل میں بڑے پیمانہ پر تباہی ہوئی۔ اس کے علاوہ ہوٹل کے قریب میں واقع کچھ جھونپڑیوں کو بھی نقصان پہنچنے کی اطلاع ہے۔ اطلاع ملتے ہی پولیس موقع پر پہنچی اور معائنہ کیا۔ پولیس نے ہوٹل انتظامیہ سے بھی بات کی۔ خیریت آباد کے ایم ایل اے ڈی ناگیندر نے موقع پر پہنچ کر مقامی لوگوں سے بات کی اور تفصیلات حاصل کی۔ اس سلسلہ میں پولیس نے مقدمہ درج کرکے تحقیقات کا آغاز کردیا۔
