حیدرآباد (دکن فائلز) حیدرآباد میلاردیو پلی پولیس اسٹیشن حدود میں دھماکہ ہونے سے علاقہ میں سنسنی پھیل گئی۔ میڈیا رپورٹس کے مطابق لکشمی گوڑہ میں ایک مندر کے قریب دھماکہ ہوا۔ مندر کے قریب کچرا اور گھانس ہٹانے کے دوران یہ دھماکہ ہوا۔ دھماکہ میں پجاری ایس رامنا شدید زخمی ہوگیا۔ انہیں فوری طور پر ہسپتال منتقل کردیا گیا۔
مقامی لوگوں نے پولیس کو واقعہ کی اطلاع دی۔ پولیس نے موقع پر پہنچ کر تحقیقات کا آغاز کردیا۔ بعد ازاں مقدمہ درج کرکے تفتیش شروع کردی گئی۔ اے سی پی سرینواس نے بتایا کہ دھماکہ کی وجوہات کے بارے میں تحقیقات کی جارہی ہے۔ اس سلسلہ میں فارنزک ٹیم کی جانب سے شواہد اکٹھے کیے جا رہے ہیں۔
آج صبح تقریباً 10.30 بجے بنڈلہ گوڑہ سے ایئرپورٹ کارگو روڈ کے قریب واقع لکشمی گوڑہ کی مندر کے بالکل قریب دھماکہ سے علاقہ کے لوگوں میں سنسنی پھیل گئی۔
