حضور پاکﷺ کی عزت دل میں ہونے کیلئے یہ ضروری نہیں کہ آپ کس قوم میں پیدا ہوئے، بالی ووڈ کی معروف اداکارہ سوارا بھاسکر کی ولولہ انگیز تقریر سوشل میڈیا پر وائرل (ویڈیو ضرور دیکھیں)

سوارا بھاسکر نے انتخابی مہم کے دوران اپنے شوہر فہد احمد کے ساتھ مولانا خلیل الرحمن سجاد نعمانی سے ملاقات کی تھی

حیدرآباد (دکن فائلز) بالی ووڈ کی معروف اداکارہ سوارا بھاسکر نے مہاراشٹرا اسمبلی انتخابات کے دوران اپنے مسلمان شوہر فہد احمد کےلئے پرجوش انتخابی مہم چلائی۔ اس دوران انہوں نے ایک عوامی جلسہ سے خطاب کرتے ہوئے پیغمبر اسلامﷺ سے اپنی عقیدت کا اظہار کیا۔ انہوں نے کہا کہ حضورﷺ کی عزت اور محبت کسی خاص مذہب یا قوم تک محدود نہیں ہے۔

ویڈیو دیکھنے کےلئے انسٹاگرام لنک کو کلک کریں:
https://www.instagram.com/p/DCf4wPaKsei/

سوارا بھاسکر نے کہا کہ نبی کریمﷺ کے لیے احترام دل میں پیدا ہونے کے لیے یہ ضروری نہیں کہ کوئی شخص کس قوم یا مذہب سے تعلق رکھتا ہو۔ انہوں نے انسٹاگرام پر اپنی ایک ویڈیو شیئر کی جس میں انہوں نے ان پر لگنے والے مختلف الزامات کا تذکرہ کرتے ہوئے واضح کیا کہ وہ ایک ہندو گھرانے میں پیدا ہوئیں لیکن ایک مسلمان شخص سے شادی کی۔ انہوں نے اپنی شادی پر ہونے والی تنقید کا بھی جواب دیا اور کہا کہ عقیدت اور محبت انسانی جذبات ہیں جو کسی ذات یا مذہب کی قید میں نہیں آتے۔ سوارا کی یہ ویڈیو سوشل میڈیا پر خوب وائرل ہو رہی ہے جس پر مداحوں کی جانب سے تبصرے کئے جارہے ہیں۔

یاد رہے کہ سوارا بھاسکر اور ان کے شوہر فہد احمد نے 2023 میں شادی کی تھی اور ان کی ایک بیٹی بھی ہے جس کا نام رابعہ ہے۔ حالیہ دنوں فہد احمد نے مہاراشٹر اسمبلی کے انتخابات میں نیشنلسٹ کانگریس پارٹی کے ٹکٹ پر حصہ لیا، جس دوران سوارا نے ان کے لیے انتخابی مہم میں حصہ لیتے ہوئے شوہر کو خوب سپورٹ کیا۔