حیدرآباد (دکن فائلز ویب ڈیسک) امریکی ریاست کیلیفورنیا کے شہر لاس اینجلس کے جنگلات میں لگی آگ سے درندہ صفت اداکار جیمز ووڈ کا گھر بھی جل کر خاکستر ہوگیا۔ جیمز ووڈ نے غزہ میں نہتے فلسطینیوں کے قتل عام کی حمایت کرتے ہوئے کہا تھا کہ ’ان سب کو مار ڈالو‘۔
لاس اینجلس کے جنگلات میں لگنے والی اس آگ سے جیمز ووڈ کا عالیشان و انتہائی مہنگا محل نما گھر جل کر خاکستر ہوگیا۔ میڈیا رپورٹس کے مطابق جلنے والے گھروں میں 2 مرتبہ آسکر کے لیے نامزد ہونے والے اور 3 مرتبہ ایمی ایوارڈز جیتنے والے جیمز ووڈ کا گھر بھی شامل تھا، جو سی این این کو انٹرویو دیتے ہوئے رو پڑے۔
جیمز ووڈ نے انٹرویو میں کہا ‘ایک دن آپ سوئمنگ پول میں نہا رہے ہوتے ہیں اور اگلے ہی دن سب ختم ہوجاتا ہے’۔ اداکار کی باتوں پر اینکر افسردہ ہوگئیں البتہ سوشل میڈیا پر جیمز ووڈ کو صارفین کی جانب سے کوئی ہمدردی نہ ملی، متعدد صارفین نے جیمز کو وہ وقت یاد دلایا جب وہ اسرائیل کی غزہ میں کی جانے والی نسل کشی کی حمایت کر رہے تھے۔
عبداللہ نامی ایک صارف نے لکھا جیمز ووڈ جن کا گھر لاس اینجلس میں لگنے والی آگ میں جل گیا، اب وہ عملی طور پر غزہ کے فلسطینیوں کے دکھ اور درد کو سمجھ سکیں گے جنہوں نے اسرائیل کی حمایت میں فلسطینیوں کو قتل کرنے کا مطالبہ کیا تھا۔