حیدرآباد (دکن فائلز) مرکزی رویت ہلال کمیٹی صدر مجلس علماء دکن نے اعلان کیا ہے کہ ماہ رمضان المبارک کا چاند نظر نہیں آیا۔ 2 مارچ 2025 کو پہلا روزہ ہوگا۔ آج ماہِ رمضان المبارک کا چاند نظر نہیں آیا، کل بروز ہفتہ 1st مارچ 2025 ء کو 30 شعبان رہیگی اور بروز اتوار 2nd مارچ 2025 ء کو یکم رمضان المبارک ہوگی۔
مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ رمضان المبارک 1446 زیر نگرانی حضرت مولانا سید حسن ابراھیم حسینی قادری سجاد پاشاہ معتمد صدر مجلس علماء دکن آج بعد نماز مغرب حسینی بلڈنگ معظم جاہی مارکٹ میں منعقد ہوا۔ چاند نظر نہ آنے کی اطلاع ملی ہے، لہذا تحت احکام شرعیہ صدر مجلس علماء دکن مرکزی رویت ہلال کمیٹی اعلان کرتی ہے کہ 2 مارچ بروز اتوار یکم رمضان المبارک ہوگی۔
