سلمان خان نے اپنی فلم “کسی کا بھائی کسی کی جان” کا ٹیزر جاری کردیا

بالی ووڈ کے سپر سٹار سلمان خان نے اپنی نئی آنے والی فلم “کسی کا بھائی کسی کی جان” کا ٹیزر سوشل میڈیا پر جاری کردیا۔ تفصیلا ت کے مطابق بالی وو ڈ ہیرو سلمان خان نےاپنی فلم ” کسی کا بھائی کسی کی جان “کا ٹیزر اپنے سوشل میڈیا اکاؤنٹس پر شیئر کیا جسے کچھ ہی دیر میں لاکھوں مرتبہ دیکھا گیا۔

مداحوں کی جانب سے ٹیزر دیکھ کرسلمان خان کے ایکشن سین اور ڈائیلاگز کی تعریفوں کا سلسلہ شروع ہو گیا، جبکہ کئی صارفین کا کہنا ہے کہ یہ فلم سلمان خان کی بہترین فلموں میں سے ایک ہے۔سلمان خان نے ٹیزر شیئر کرتے ہوئے کیپشن میں لکھا کہ “صحیح کا ہو گا صحیح ، غلط کاہو گا غلط”۔

واضح رہے کہ سلمان خان کی فلم “کسی کا بھائی کسی کی جان” اس سال عید پر ریلیز کی جائے گی ۔

اپنا تبصرہ بھیجیں