بالی وڈ اداکارہ جھانوی کپور نے کہا ہے کہ وہ آج بھی اپنی والدہ سری دیوی کو ڈھونڈتی رہتی ہیں۔ سری دیوی کی پانچویں برسی کے موقع پر جھانوی کپور نے انسٹاگرام پر اپنی اور ان کی تصویر شیئر کرتے ہوئے ساتھ لکھا کہ ’آپ کو ہر جگہ ڈھونڈتی ہوں مما، امید ہے جو میں کر رہی ہوں اس پر آپ کو فخر ہو گا۔‘
انہوں نے مزید لکھا کہ ’میں جہاں بھی جاتی ہوں اور جو کچھ بھی کرتی ہوں وہ آپ سے شروع ہوتا ہے اور آپ پر ہی ختم ہوتا ہے۔‘ جھانوی کپور کے والد بونی کپور نے بھی پوسٹ کے نیچے اپنی آنجہانی بیوی کو یاد کرتے ہوئے نوٹ لکھا اور تصویر بھی ڈالی۔
انہوں نے لکھا کہ ’آپ ہم کو پانچ سال قبل چھوڑ گئی تھیں۔ ہم آپ کی یادوں کے سہارے چل رہے ہیں اور انہی کے ساتھ ہمیشہ چلتے رہیں گے۔‘
