حیدرآباد (دکن فائلز ویب ڈیسک) آئی سی سی چیمپئنزٹرافی 2025 کا ممکنہ شیڈول سامنے آگیا۔ ذرائع کے مطابق میگا ایونٹ 19 فروری سے 9 مارچ تک کھیلا جائے گا۔ آئی سی سی چیمپئنزٹرافی کا افتتاحی میچ 19 فروری کو پاکستان اور نیوزی لینڈ کے درمیان ہوگا۔
ذرائع نے کہا کہ ہائی وولٹیج ہند ۔ پاک ٹاکرا 23 فروری کو دبئی اسٹیڈیم میں کھیلا جائے گا۔ جبکہ پہلا سیمی فائنل 3 مارچ اور دوسرا 4 مارچ کو کھیلا جائے گا۔
ممکنہ شیڈول کے مطاب چیمپئنزٹرافی کا فائنل 9 مارچ کو ہوگا، ساتھ ہی ریزرو ڈے بھی رکھا گیا ہے۔ دوسری جانب چیمپئینز ٹرافی 2025 کے نیوٹرل وینیو کے معاملے پر میزبان پاکستان اور ہندوستانی کرکٹ بورڈ سمیت تمام اسٹیک ہولڈرز کے درمیان اتفاق ہو گیا ہے۔
ذرائع کے مطابق میگا ایونٹ کا سب سے بڑا ہند ۔ پاک ٹاکرا دبئی میں کھیلا جائے گا، اس سلسلہ میں تمام ٹیموں کا اتفاق ہوگیا ہے۔ امید کی جارہی ہے کہ آئی سی سی کی جانب سے بہت جلد ایونٹ کے شیڈول کا اعلان کیا جائے گا۔
