حیدرآباد (دکن فائلز) حیدرآباد میں ایک آٹو ڈرائیور کی انتہائی نامناسب و غیراخلاقی حرکت کا معاملہ موضوع بحث بن گیا ہے۔ ملک پیٹ سے کوٹھی جانے کے دوران چادر گھاٹ بریج پر ایک آٹو کی ویڈیو وائرل ہوگئی۔ ویڈیو میں دیکھا جاسکتا ہے کہ ڈرائیور نے اپنی سیٹ پر اپنی معشوقہ کو بیٹھاکر انتہائی خطرناک طریقے سے آٹو چلارہا ہے اور سرعام انتہائی بے حیائی کا مظاہرہ کررہا ہے۔
آٹو ڈرائیور کا کھلے عام رومانس کا ویڈیو سوشل میڈیا پر وائرل ہوگیا، جس کے بعد پولیس نے کارروائی کرتے ہوئے غیر ذمہ دار ڈرائیور کے خلاف مقدمہ درج کر کے سرچ آپریشن شروع کر دیا۔
چادر گھاٹ پولیس نے سی سی ٹی وی فوٹیج کی مدد سے آٹو نمبر کی شناخت کی اور رجسٹریشن کی تفصیلات معلوم کرلیں۔ اس بات کی تصدیق کی گئی کہ آٹو کا رجسٹریشن نلگنڈہ ضلع کا ہے۔
ویڈیو دیکھنے کےلئے لنک پر کلک کریں:
https://x.com/i/status/1986546807351222432
چادر گھاٹ انسپکٹر کے بی مراری نے کہا کہ فی الحال وہ آٹو اور ڈرائیور کی تلاش کر رہے ہیں۔ انہوں نے واضح کیا کہ ڈرائیور کے خلاف مقدمہ درج کر لیا گیا ہے اور اسے جلد گرفتار کیا جائے گا۔
