اداکارہ راکھی ساونت کو امبولی پولیس نے اداکارہ شرلین چوپڑا کیس میں گرفتار کرلیا۔
اطلاعات کے مطابق راکھی ساونت کو امبولی پولیس نے شرلین چوپڑا کے خلاف قابل اعتراض زبان استعمال کرنے پر گرفتار کیا ہے۔ پولیس نے راکھی کے خلاف شرلین چوپڑا کی جانب سے درج کروائی گئی شکایت پر ایکشن لیتے ہوئے اداکارہ کو گرفتار کیا ہے۔
ٹوئٹر پر ایک پیغام میں شرلین چوپڑا نے کہا ہے کہ ممبئی سیشن کورٹ نے راکھی ساونت کی ضمانت قبل از گرفتاری کی درخواست مسترد کردی ہے جس کے بعد امبولی پولیس نے ان کو گرفتار کر لیا ہے۔
واضح رہے کہ اداکارہ شرلین چوپڑا نے گزشتہ برس راکھی کے خلاف جھوٹے الزامات اور قابلِ اعتراض زبان استعمال کرنے پر ایف آئی آر درج کروائی تھی۔
دوسری جانب ان دنوں اداکرہ اور ڈانسر راکھی ساونت بھارتی میڈیا پر مسلم نوجوان سےے شادی کرنے کی خبر کے حوالے سے چھائی ہوئیں ہیں۔
