ٹینس اسٹار ثانیہ مرزا اور روہن بوپنا کی جوڑی آسٹریلین اوپن ٹینس چیمپئن شپ کے فائنل میں پہنچ گئی۔ میلبرن میں اپنے کیریئر کا آخری گرینڈ سلم ٹورنامنٹ کھیلنے والی ثانیہ مرزا نے اس موقع پر اپنے بیٹے اذہان مرزا ملک کے ساتھ بھرپور خوشی کا اظہار کیا۔
Cuteness alert ❤️❤️
Sania Mirza's son Izhaan running out on the court to celebrate her mum reaching the #AustralianOpen mixed doubles final is the kind of positivity we all need!pic.twitter.com/bcm67Zc7BS
— The Bridge (@the_bridge_in) January 26, 2023
میچ جیتنے کے بعد ثانیہ مرزا نے بیٹے کو ٹینس کورٹ میں بلا کر اس کے ساتھ خوشی منائی۔ اس موقع پر اذہان بھی اپنی والدہ کی جیت پر بےحد خوش دکھائی دیے جبکہ روہن بوپنا نے بھی اپنی بیٹی کو ٹینس کورٹ میں بلایا۔
آسٹریلین اوپن کے سیمی فائنل میں ثانیہ مرزا اور روہن بوپنا کی جوڑی نے امریکی اور برطانوی کھلاڑیوں کی جوڑی کو شکست دی۔ واضح رہے کہ ثانیہ مرزا رواں ماہ ریٹائرمنٹ کا اعلان کرچکی ہیں، وہ آئندہ ماہ دبئی کے ایونٹ کے بعد ریٹائر ہو جائیں گی۔
