حیدرآباد (دکن فائلز) اداکارہ سوارا بھاسکر نے آج سوشل میڈیا پر ایک ویڈیو کے ذریعے سماجی کارکن فہد ضرار احمد سے اپنی شادی کا اعلان کیا ہے۔
سوارا بھاسکر نے ویڈیو پوسٹ کرتے ہوئے لکھا ‘کبھی کبھی آپ دور دور تک کسی ایسی چیز کی تلاش کرتے ہیں جو آپ کے بالکل قریب ہو۔ ہم محبت کی تلاش میں تھے، لیکن ہمیں پہلے دوستی ملی اور پھر ہم نے ایک دوسرے کو پایا، فہد ضرار احمد، آپ کو میرے دل میں خوش آمدید، اگرچہ یہ افراتفری سے بھرا ہے لیکن یہ آپ کا ہے۔
اپنی اہلیہ کی پوسٹ پر جواب دیتے ہوئے فہد ضرار نے کہا ’ مجھے اندازہ نہیں تھا کہ یہ افراتفری اتنی خوبصورت ہوگی۔‘
چونتیس سالہ اداکارہ نے ان تصاویر اور ویڈیو کلپس کا ایک مونٹاج شیئر کیا جس میں ان کی محبت کی اس کہانی کو بیان کیا گیا ہے جو دہلی میں شہریت مخالف قانون کے مظاہروں کے پس منظر میں چل رہی تھی ۔ فہد ضرار سماج وادی پارٹی کے یوتھ ونگ کے صدر ہیں۔
دونوں کی ملاقات سی اے اے کے خلاف جنوری 2020 میں ایک احتجاج کے دوران ہوئی تھی۔
