احمد آباد کے نریندر مودی اسٹیڈیم میں ہندوستان اور آسٹریلیا کے درمیان کھیلے جارہے چوتھے اور آخری ٹسٹ میچ کے درمیان ایک انتہائی شرمناک حرکت کی ویڈیو سامنے آئی ہے۔ یہاں موجود کچھ تماشائیوں کو ٹیم انڈیا کے فاسٹ بولر محمد سمیع کا نام لے کر جئے شری رام کا نعرہ لگاتے سنا گیا۔
"Shami… Jai Shree Ram"…
If this indeed happened before the start of the 4th test of the #BorderGavaskarTrophy in Ahmedabad, it makes me puke at the insensitivity from certain pricks.
I'd ban these fellows from attending any games here after! pic.twitter.com/AYHK2W5suw
— Saikiran Kannan | 赛基兰坎南 (@saikirankannan) March 10, 2023
یہ ویڈیو اب سوشل میڈیا پر کافی وائرل ہورہا ہے جس پر کافی بحث ہورہی ہے۔ یہ واقعہ احمد آباد ٹسٹ شروع ہونے سے عین قبل کا بتایا جا رہا ہے۔ ویڈیو میں ہندوستانی کھلاڑی باؤنڈری کے قریب کھڑے نظر آرہے ہیں۔ اس دوران اسٹیڈیم میں موجود کچھ تماشائیوں نے سوریہ کمار یادو کا نام پکارا، اس کے بعد محمد سمیع کو دیکھتے ہی جئے شری رام کے نعرے لگانے لگے۔
یہاں ایک تماشائی کو ’جے شری رام ٹو سمیع‘ کہتے بھی سناگیا۔ سوشل میڈیا پر اس ویڈیو کے منظر عام پر آنے کے بعد کافی ردعمل سامنے آرہے ہیں۔ کچھ کرکٹ شائقین اسے غلط قرار دے رہے ہیں اور گجرات کرکٹ اسوسی ایشن سے اس معاملے میں ایکشن لینے کی درخواست کررہے ہیں۔
محمد سمیع کے ساتھ ایسا پہلی بار نہیں ہوا ہے۔ اس سے قبل جب ہندوستانی ٹیم ٹی ٹوئنٹی ورلڈ کپ 2021 میں پاکستان کے خلاف یکطرفہ 10 وکٹوں سے ہارگئی تھی تو سوشل میڈیا پر ایک مخصوص مذہب کے صارفین نے اس شکست کا قصوروار سمیع کو سمجھا تھا۔ پاکستان سے ہارنے کا سارا الزام سمیع پر لگایا گیا۔ اس کے بعد سچن تندولکر اور وی وی ایس لکشمن جیسے سابق کھلاڑی سمیع کی حمایت میں سامنے آئے تھے۔
