یہ خبر انتہائی افسوس کی ساتھ دی جاتی ہے کہ جانشین حضرت کامل شطاریؒ ضیا المشاخ حضرت مولانا سید محمد قبول بادشاہ قادری الشطاری معتمد صدر مجلس علما دکن ومعزز رکن آل انڈیا مسلم پرسنل لا بورڈ ( خلف اکبر سلطان الواعظین حضرت مرتضیٰ بادشاہ قادری زرین کلاں ؒ) نے آج 8 بجے صبح اویسی ہاسپٹل کنچن باغ میں داعی اجل کو لبیک کہا۔
مولانا سید محمد قبول پاشاہ قادری شطاری متعمدصدر مجلس علمائے دکن کا آج حیدرآباد میں انتقال ہوگیا۔ وہ 82 برس کے تھے۔ انتقال کی اطلاع کے ساتھ ہی حیدرآباد میں غم کی لہر دوڑ گئی۔
حیدرآباد اور اضلاع سے مختلف علمائے کرام نے مولانا قبول پاشاہ شطاری کے انتقال پر گہرے صدمہ کا اظہار کیا ہے۔
مولانا شطاری مسجد شطاریہ دبیر پورہ میں جمعہ کے موقع خطاب کرتے تھے جسے سننے کےلیے لوگ دور دراز سے یہاں آتے تھے۔
حضرت مولانا کی نماز جنازہ آج بروز پیر 17 اپریل 2024 مطابق 25 رمضان المبارک بعد نماز عشا تراویح 11 بجے شب مکہ مسجد میں مقرر ہے۔ تدفین اندرون گنبد حضرت کامل شطاریؒ عمل میں آئےگی۔ مزید تفصیلات کیلئے 9000008138 یا 9866112393 سے حاصل کی جاسکتی ہیں۔
حضرت مولانا قبول پاشاہ شطاری کا سانحہ ارتحال، حیدرآباد میں غم کی لہر
