حیدرآباد (دکن فائلز) دین اسلام کیلئے 2019 میں شوبز انڈسٹری چھوڑنے والی معروف اداکارہ زائرہ وسیم نقاب میں کھانا کھانے والی خواتین کی حمایت کیلئے سامنے آئی ہیں۔
ٹویٹر پر ایک صارف نے اپنی ٹویٹ میں ایک تصویر شیئر کی ہے جس میں ایک خاتون نقاب کے ساتھ کھانا کھا رہی ہے اور ساتھ ہی نقاب پر طنز کرتے ہوئے کیپشن دیا ’کیا یہ کسی انسان کا انتخاب ہے؟‘۔
Just attended a wedding. Ate exactly like this. Purely my choice. Even when everyone around me kept nagging me that I take the niqab off. I didn’t.
We don’t do it for you. Deal with it. https://t.co/Gu9AXQka8v
— Zaira Wasim (@ZairaWasimmm) May 28, 2023
زائرہ وسیم نے اس ٹویٹ پر اپنا ردعمل دیتے ہوئے لکھا کہ انہوں نے بھی اسی طرح شادی میں شرکت کی ہے اور اسی طرح کھایا ہے اور یہ ان کی مکمل طور پر اپنی چوائس تھی۔
انہوں نے مزید لکھا ’میرے ارد گرد کے لوگوں نے مجھے نقاب اتارنے کیلئے اشارے کئے لیکن میں نے نقاب نہیں اتارا اور یہ نقاب ہم آپ لوگوں کیلئے نہیں کرتے‘۔
واضح رہے کہ زائرہ وسیم نے اپنے شوبز کیریئر کا آغاز سپر اسٹار عامر خان کی فلم ’دنگل‘ سے کیا تھا اور انہوں نے ’سیکرٹ سپر اسٹار‘ میں بھی عامر کے ساتھ کام کیا جس سے انہیں دنیا بھر میں شہرت ملی تھی۔ اب وہ اپنی زندگی اسلامی شریعت کے مطابق گذار رہی ہیں۔ اللہ جسے چاہتا ہے اسے ہدایت دیتا ہے۔
