فیس بک دنیا کا مقبول ترین سوشل میڈیا نیٹ ورک ہے مگر اس کی موبائل ایپ پر چیٹ کے لیے میسنجر کا استعمال ضروری ہوتا ہے۔ مگر 2023 اس حوالے سے فیس بک میں بہت بڑی تبدیلی کا سال ثابت ہونے والا ہے۔ فیس بک دنیا کی پہلی سوشل میڈیا ایپ تھی جس میں ایپ کے اندر چیٹس کے آپشن کو ختم کیا گیا۔
فیس بک ایپ سب سے پہلی ایپلی کیشن تھی جس کے اندر پیغام رسانی کا فیچر موجود تھا۔ تاہم، 2014 میں فیس بک کی جانب سے ایپ سے جڑا یہ فیچر ختم کیا گیا اور مسینجر کی ایک علیحدہ ایپ متعارف کرائی گئی۔ ٹیکنالوجی ایکسپرٹ میٹ نیوارا نے جیف ہِگنز کی جانب سے شیئر کیے جانے والے اسکرین شاٹ کو ری ٹویٹ کرتے ہوئے تبصرہ لکھاکہ 2014 میں ختم کردیا جانے والا چیٹ فیچر فیس بک اپنی ایپ میں واپس لارہا ہے۔
شیئر کیے جانے والے اسکرین شاٹ میں دیکھا جاسکتا ہے کہ اسکرین کی داہنی جانب ایک دائرہ بنا ہوا ہے اور اس کے ساتھ لکھا ہے ’چیٹ دیکھنے کے لیےدائیں جانب سوائپ کریں‘۔ اس فیچر تک فی الحال مخصوص صارفین کی رسائی ہے ۔ لیکن قوی امکان ہے کہ جلد ہی یہ تمام صارفین کے لیے جاری کر دیا جائے گا۔
