ممبئی: بالی ووڈ کے پروڈیوسر امیت جانی نے پاکستان سے ہندوستان آکر پسند کی شادی کرنے والی سیما حیدر کو فلم کی پیشکش کر دی۔ میڈیا رپورٹ کے مطابق سیما حیدر کے ساتھ ان کے شوہر سچن کو بھی بالی ووڈ فلموں کیلئے آفرز آرہی ہیں تاہم ابھی تک ان دونوں نے اس حوالے سے کوئی فیصلہ نہیں کیا ہے۔
سیما حیدر اور سچن کی محبت کی کہانی کسی فلمی کہانی سے کم تو نہیں لیکن اب سیما حیدر کا حقیقی زندگی میں بالی ووڈ کی ہیروئن بننے کا امکان ہے۔ بالی ووڈ کے پروڈیوسر امیت جانی کا کہنا ہے کہ وہ سیما اور سچن کی محبت سے متاثر ہوئے ہیں اور ان کی مالی مدد کیلئے انہیں فلم آفر کر رہے ہیں۔
سیما اور سچن کی محبت کی کہانی کافی عرصے سے خوب وائرل ہو رہی ہے ان کی محبت کے پیچھے حقیقت کیا ہے یہ تو تاحال معلوم نہیں ہوسکا تاہم یہ فلم ان کی محبت کی کہانی پر نہیں بلکہ راجستھان کے ٹیلر کنہیا کے قتل پر مبنی ہے۔
یاد رہے کہ سیما حیدر پب جی کے زریعے سچن کی محبت میں گرفتار ہوکر اپنے 4 بچوں کے ہمراہ پاکستان سے دبئی اور پھر نیپال سے ہندوستان آی۔
