پاکستان سے ہندوستان آنے والی سیما حیدر کی فلم کا آڈیشن دینے کی ویڈیو سامنے آگئی۔ سوشل میڈیا پر وائرل ویڈیو میں سیما حیدر کو میل ایکٹر کے ساتھ سین ریکارڈ کراتے دیکھا جاسکتا ہے جس میں وہ دونوں فون پر بات کررہے ہیں۔ جس میں وہ دونوں کو یہ ڈائیلاگ بولتے ہوئے سنا جاسکتا ہے کہ ’مذہب اور سرحد ’’پیار‘‘ کرنے والوں کے درمیان دیوارہے‘۔
A Noida based film-maker is making a movie on Seema Haider and Sachin's lover story. pic.twitter.com/RLv8CAIgs2
— Shafaque Alam (@shafaquealamTOI) August 10, 2023
فلم کے سین میں سیما حیدر کہتی ہے کہ ’’میں نے تم سے سچا پیار کیا ہے، یہ مذہب اور سرحد کی دیوار ہمیں الگ نہیں کرسکتی، بس مجھے اپنے بچوں کی فکر ہے‘‘۔ جس پر سچن کا کردار ادا کرنے والا اداکار سیما کو تسلی دیتے ہوئے کہتا ہے کہ ’’وہ صرف تمہارے نہیں میرے بھی بچے ہیں، تم بس غلام حیدر کی غلامی سے نکلو اب اور انتظار نہیں ہوتا‘‘۔ آخر میں سچن جے شری رام کہتا ہے جسے سیما بھی دہراتی ہے۔
واضح رہے کہ سیما حیدر کو بھارتی فلمساز امیت جانی نے اپنی رومانوی فلم ’’کرچی سے نوئیڈا‘‘ میں کام کی پیشکش کی ہے جس کی کہانی سیما اور سچن کی لو اسٹوری پرمشتمل ہے۔
