حیدرآباد (دکن فائلز) دنیا بھرمیں ہر سال نت نئے ٹرینڈز متعارف ہوتے رہتے ہیں، ایسا ہی ایک انوکھا ٹرینڈ شادیوں کی تقاریب میں بھی سامنے آیا ہے۔ اکثر دلہنیں کوشش کرتی ہیں کہ وہ اپنی زندگی کے اہم ترین دن پر سب سے الگ نظرآئیں۔
ایسی ہی ایک پاکستان دُلہن نے انہی کا ڈیزائن کردہ لہنگا پہن کر فیشن کی دنیا میں ایک نیا آئیڈیا متعارف کروا دیا۔
اس لہنگے کی خاصیت اس کا ’ایل ای ڈی ’ ہونا ہے۔
شادی کی تقریب کو نیا رنگ دینے والی ریحانہ نامی اس دلہن نے انسٹاگرام پر اپنی مہندی اور دیگر تقریبات کی تصاویر شیئرکی ہیں۔ ویڈیو شئیر کرتے ہوئے ریحانہ نے پُرمزاح کیپشن میں بتایا ، ’میرا لباس میرے سوپر ڈوپر شوہر نے ڈیزائن کیا تھا، جو ہمیشہ چاہتے تھے کہ ان کی دلہن اپنے بڑے دن پر روشنیوں سے بھرپورہو‘۔
پُراعتماد دلہن نے مزید لکھا کہ ، ’مجھے بتایا گیا کہ لوگ آپ کا مذاق اڑائیں گے، لیکن میں نے اسے فخر سے پہنا، کیونکہ میں جانتی ہوں کہ کسی بھی مرد نے اپنی دلہن کے لیے اس طرح کی کوئی کوشش نہیں کی ہے‘۔
