دنیا میں طویل عرصے سے جاری مقابلہ حسن کے ٹائٹل’’ مس یونیورس‘‘ کیلئے 5 پاکستانی لڑکیوں کے مقابلے میں حصہ لینے پر ممتاز عالمِ دین مفتی تقی عثمانی نے شدید غصے کا اظہار کردیا۔
پڑوسی ملک پاکستان کے معروف عالم دین مفتی تقی عثمانی نے سماجی رابطے کی ویب سائٹ ایکس پر ایک پیغام شیئر کیا جو دیکھتے ہی دیکھتے جنگل کی آگ کی طرح وائرل ہو گیا ۔ اس بیان میں ان کا کہنا تھا کہ جنگ کی خبر ہے کہ 5 دو شیزائیں عالمی مقابلہ حسن میں پاکستان کی نمائندگی کریں گی۔ اگر یہ سچ ہے تو ہم کہاں تک نیچے گریں گے؟ حکومت اس خبر کا نوٹس لے کر زمےداروں کے خلاف کارروائی کرے اور کم از کم ملک کی نمائندگی کا تاثر زائل کرے۔
جنگ کی خبر ہے کہ پانچ دوشیزائیں عالمی مقابلہ حسن میں پاکستان کی”نمائندگی" كرينگی اگر یہ سچ ہے تو ہم کہاں تک نیچے کرینگے؟ حکومت اس خبر کا فوری نوٹس لیکر ذمہ داروں کے خلاف کارروائی کرے اور کم ازکم ملک کی “نمائندگی” کا تاثر زائل کرے
— Muhammad Taqi Usmani (Official) (@muftitaqiusmani) September 13, 2023
یاد رہے کہ عالمی مس یونیورس کے مقابلے کی تقریب اس سال ایل سلواڈور میں منعقد کی جائے گی جس کےلئے پڑوسی ملک پاکستان میں 5 حسیناؤں کو فائنل کر لیا گیا ہے۔ جن میں کراچی سے 24 سالہ اریکا رابن،لاہور سے 24 سالہ حرا انعام،راولپنڈی سے 28 سالہ جیسیکا ولسن، امریکی نثراد 19 سالہ پاکستانی لڑکی ملیکہ علوی اور پنجاب سے 26 سالہ سبرینا وسیم ہیں۔
