پاکستانی معروف اداکارہ ماہرہ خان نے طاقت کے باوجود فلسطینیوں کیلیے آواز نہ اٹھانے والوں کیلیے پیغام جاری کر دیا۔ ماہرہ خان نے غزہ میں اسرائیلی بمباری سے تباہی کے مناظر اپنے انسٹاگرام اکاؤنٹ سے شیئر کیے اور ان پر اپنے خیالات کا اظہار کیا۔ اداکارہ اس سے قبل بھی فلسطینیوں کے حق میں پوسٹ کر چکی ہیں۔
دردناک مناظر شیئر کرتے ہوئے انہوں نے لکھا کہ یہ فلسطینی عوام کی نسل کشی ہے، یہ معصوم عورتوں، بچوں اور مردوں کا قتلِ عام ہے۔ انہوں نے لکھا کہ ’تاریخ ان لوگوں کو یاد رکھے گی جن کے پاس طاقت تھی لیکن انہوں نے کچھ نہیں کیا، تاریخ ان لوگوں کو بھی یاد رکھے گی جو اس تنازع کو حل کر سکتے تھے، لیکن اب ان کے ہاتھوں پر ہمیشہ خون رہے گا۔‘
