بالی وڈ کی مقبول ترین جوڑی دیپیکا پڈوکون اور رنویر سنگھ کی شادی کی ویڈیو شادی کے پانچ برس بعد پہلی بار منظرِ عام پر آگئی ہے۔ میڈیا کے مطابق اداکار جوڑے کی شادی کی ویڈیو معروف پروگرام ‘کافی ود کرن’ میں شیئر کی گئی جس کے آٹھویں سیزن کا آغاز ہوچکا ہے اور اس کی پہلی قسط میں پہلی مرتبہ دیپیکا اور رنویر نے ایک ساتھ شرکت کی۔
HD | deepika padukone and Ranveer Singh's wedding glimpse 🧿❤️ pic.twitter.com/wMX4fgko4m
— Deepika Files (@FilesDeepika) October 25, 2023
دیپیکا اور رنویر کی جانب سے اب تک اپنی شادی کی ویڈیو شیئر نہیں کی گئی تھی، کچھ تصاویر سوشل میڈیا پر پوسٹ کی گئیں البتہ اب ویڈیو بھی سامنے آچکی ہے۔
ویڈیو میں جوڑے کی شادی کی مختلف تقریبات کی جھلکیاں ہیں، ویڈیو کا آغاز ایک پارٹی کی تقریب سے ہوتا ہے جس میں رنویر سنگھ مہمانوں کے سامنے دیپیکا کے لیے اپنی محبت کا اظہار کرتے ہیں۔
https://www.instagram.com/reel/Cy1W8ZBLF5V/?utm_source=ig_embed&utm_campaign=loading
