حیدرآباد (دکن فائلز) خانہ کعبہ کا نیا غلاف، جسے کسوہ کہا جاتا ہے، باقاعدہ طور پر کلید بردارانِ کعبہ کے حوالے کر دیا گیا۔ یہ روح پرور تقریب خادم الحرمین الشریفین شاہ سلمان بن عبدالعزیز کی نیابت میں منعقد ہوئی۔
غلافِ کعبہ کی حوالگی مکہ مکرمہ کے نائب امیر شہزادہ سعود بن مشعل بن عبدالعزیز نے شاہ سلمان کی نیابت میں انجام دی؛ تبدیلی یکم محرم 1447ھ کو ہوگی۔
مکہ مکرمہ کے نائب امیر شہزادہ سعود بن مشعل بن عبدالعزیز نے نیا غلافِ کعبہ کلید برداروں کے سپرد کیا۔ تقریب میں متعلقہ حکام، حرمین شریفین انتظامیہ کے ذمہ داران اور دیگر اہم شخصیات شریک رہیں۔
نئی روایت کے مطابق غلافِ کعبہ ہر سال یکم محرم الحرام کو تبدیل کیا جاتا ہے۔ اسی مناسبت سے نئے ہجری سال 1447ھ کے آغاز پر خانہ کعبہ کو نئے کسوہ سے آراستہ کیا جائے گا۔
غلافِ کعبہ کی تیاری انتہائی مہارت، عقیدت اور باریک بینی سے کی جاتی ہے۔ اس میں خالص ریشم، سونے اور چاندی کے دھاگوں کا استعمال کیا جاتا ہے۔ اس پر قرآنی آیات نہایت خوبصورت خطاطی کے ساتھ کندہ کی جاتی ہیں۔
کسوہ کی تیاری مکہ مکرمہ میں واقع شاہ عبدالعزیز کمپلیکس میں کی جاتی ہے، جہاں ماہر کاریگر کئی ماہ کی محنت کے بعد اسے تیار کرتے ہیں۔ غلافِ کعبہ کی تبدیلی امت مسلمہ کے لیے عقیدت، احترام اور روحانیت کا عظیم منظر پیش کرتی ہے۔
یہ تقریب اس بات کی علامت بھی ہے کہ سعودی قیادت حرمین شریفین کی خدمت اور خانہ کعبہ کی عظمت و تقدس کے تحفظ کو اپنی اولین ذمہ داری سمجھتی ہے۔
