بالی وڈ کے میگا اسٹار شاہ رخ خان کی فلم ’پٹھان‘ کا ٹریلردنیا کی سب سے اونچی عمارت ’برج خلیفہ‘ پر دکھایا جائے گا۔ متحدہ عرب امارات میں شاہ رخ خان کے فینز بہت بڑی تعداد میں موجود ہیں جو فلم ’ پٹھان‘ کی ریلیز کا بے چینی سے انتظار کررہے ہیں۔فلم ’ پٹھان‘ کے ٹریلر کو ’ برج خلیفہ‘ پر دکھایا جائے گا۔
اس موقع پر شاہ رخ خان بھی موجود ہوں گے اور فلم کے ٹریلر کو ’برج خلیفہ‘ پر چلتے دیکھیں گے۔ شاہ رخ خان انٹرنیشنل ٹی 20 لیگ کے لیے امارات میں موجود ہیں۔ شاہ رخ خان کی فلم ’ پٹھان ‘ ریلیز سے قبل مختلف تنازعات کا شکار ہوگئی ہے۔ فلم سینسر بورڈ نے فلم میکرز کو فلم سے متعدد سینز نکالنے کا حکم دیا ہے۔
